Әлеуметтік қолдау

Көші-қон *.doc 23 KB
Жұмыспен қамту және әлеуметтік бағдарламалар бөлімінің жұмысы
Дипломмен ауылға!
«Еңбек жолы» байқауы

Жұмыспен қамту және әлеуметтік бағдарламалар бөлімінің
2018 жылдың 1-тоқсаны көлемінде атқарған жұмыстары туралы
ақпарат

Бөлімнің қызметі Қазақстан Республикасының 17.07.2001 жылғы №246-II «Мемлекеттiк атаулы әлеуметтiк көмек туралы", 28.06.2005 жылғы №63-ІІІ "Балалы отбасыларға берілетін мемлекеттік жәрдемақылар туралы" және 06.04.2016 жылғы № 482-V «Халықты жұмыспен қамту туралы» заңдарын, аудандық мәслихаттың шешімімен бекітілген ережелерін және аудан әкімінің қаулыларын жүзеге асыруға бағытталған. 
Бөлім қызметінің негізгі бағыттары мен міндеттері - ол аз қамтылғандардың санын азайту мен халықтың табысын арттыру мақсатындағы еңбекпен қамту, әлжуаз топтағы азаматтарға (мүгедектер, ардагерлер, жалғызбасты қарттар, аз қамтылған отбасылар) әлеуметтік көмек көрсету, жұмыссыздықтан әлеуметтік қорғау және халықты жұмыспен қамту шараларын әзірлеу, халықты жұмыспен қамтуға жәрдемдесудің белсенді шараларын ұйымдастыру болып табылады.
Осы мақсатта аудандық жұмыспен қамту және әлеуметтік бағдарламалар бөлімі  мемлекеттік мекемесінің құрамында Жұмыспен қамту Орталығы және Аумақтық әлеуметтік қызмет көрсету орталығы коммуналдық мемлекеттік мекемесі жұмыс істейді.

Жұмыспен қамтуға бағытталған іс-шаралар:
Аудан бойынша 2018-жылдың 1- сәуіріне жалпы жұмыссыздар саны 928 адамды құрап, былтырғы жылдан 61 адамға азайды. Жалпы жұмыссыздық деңгейі 4,5% мөлшерінде қалыптасып, ресми тіркелген жұмыссыздар саны 190 адамды құрады. І-тоқсан қорытындысы бойынша 396 адам жұмысқа орналастырылды, оның ішінде 396 адам - жұмыссыздар арасынан, 24 адам - жұмыс іздеушілер, 3 адам - өзін өзі өнімсіз жұмыспен қамтығандар. 131 жаңа жұмыс орындары ашылды, оның ішінде 108 - тұрақты,  23 - уақытша және маусымдық жұмыс орындары.
  Жұмыссыз азаматтарды әлеуметтік қорғауға бағытталған іс-шаралар бойынша «Аумақтарды дамыту» және «Нәтижелі жұмыспен қамту және жаппай кәсіпкерлікті дамыту» бағдаламалары аясында ақылы қоғамдық жұмыстарға тоқсан көлемінде 241 жұмыссыз қатысып, 5976,0 мың теңге қаржы игерілді.
«Жастар іс-тәжірибесі» бағдарламасы бойынша 2018 жылға 9019,0 мың теңге қаражат қарастырылды. 1-тоқсанда 5 адам жұмысқа жіберіліп, 421,0 мың теңге қаржы игерілді.
Ағымдағы жылы аудан бойынша кәсіби оқытуға 11769,0 мың теңге қаражат қарастырылып отыр. Қысқа мерзімді оқыту курстарын 15 сәуірден бастау жоспарланып отыр.
Әлеуметтік жұмыс орындарына жыл басынан 6680,0 мың теңге қаражат қарастырылып, 1-тоқсан кезеңіне 45 адам жіберілді және 447,0 мың теңге қаражат игерілді.
Нысаналы топтарға жатқызылған жұмыссыздар қатарынан 24 адам жұмыспен қамтудың белсенді шараларына жолданды. Оның ішінде 12 мүгедек пен бас бостандығынан айыру орындарынан босатылған тұлғалар және қылмыстық-атқару инспекциясы пробация қызметінің есебінде тұрған 11 адам.

Әлеуметтік төлемдер мен көмектер:
2018-жылдың 1- сәуіріне тұрмыс жағдайы төмен азаматтардың саны 0,9%-ке азайып, 1679 адамды құрады. Өткен жылы 1695 адамды құраған болатын.
Мемлекеттік атаулы әлеуметтік көмек 1-тоқсан ішінде 1143 адамға тағайындалып, жергілікті бюджеттен 12496,7 мың теңге төленді. 2017 жылдың 1-тоқсанына 114 алушыға 775,5 мың теңге төленген.
Тұрғын үй көмегі 483 алушыға тағайындалып, 5466,5 мың теңге төленді. 2017 жылдың 1-тоқсанына бұл мақсатқа 2227,3 мың теңге бөлініп, 246 алушыға тағайындалған болатын.
Жергілікті атқарушы органдардың шешімі негізінде облыстық және аудандық бюджеттен үш ай көлемінде 1655 адамға 22164,6 мың теңге көлемінде әлеуметтік көмек төленген, оның ішінде:
«Шаңырақ» кешенді жоспары негізінде төртінші балаға босанған аналарға 50,0 мың теңгеден облыстық бюджеттен төленетін жәрдемақы 24 адамға 1200,0 мың теңге көлемінде аудандық бюджеттен төленді.
«Алтын алқа», «Күміс алқа» және «Батыр ана» атағын алған 918 анаға, төрт және одан да көп балалы 593 анаға 10,0 мың теңгеден  15110,0  мың теңге біржолғы көмек төленді.
Ауғанстан аумағынан әскерлерді шығару күні, интернационалист-жауынгерлерді еске алу күніне 53 адамға әрқайсысына 70,0 мың теңгеден 3710,0 мың теңге төленді.


Қиын өмірлік жағдайға тап болған азаматтардың өтініші негізінде тоқсан көлемінде 47 адамға 1275,0 мың теңгенің әлеуметтік көмегі (дәрі-дәрмекке, киім-кешекке, азық-түлікке т.б.) төленді.
Жарма ауданы бойынша туберкулез ауруының белсенді түрімен ауыратын 20 адамға қосымша көмек ретінде 869,6 мың теңге мөлшерінде жергілікті бюджеттен ай сайынғы материалдық көмек төленді.

Мүгедектерді әлеуметтік қолдау:
Жарма ауданының «Мемлекеттік зейнетақы төлеу орталығы» РМКМ мәліметі бойынша мүгедектер саны 1253 адамды құрайды, оның ішінде 1,2- топтағы мүгедектер саны 612 адам, 3-топтағы мүгедектер саны 510 адам, 18 жасқа дейінгі бала-мүгедектер саны 131 адам.
2018-жылдың басынан мүгедектерді оңалтудың жеке бағдарламасына сәйкес 17 мүмкіншілігі шектеулі жанға протездік-ортопедиялық бұйым, 1 адамға арбаша беріліп, 7 мүмкіндігі шектеулі адам санаторлық-курорттық емделуге жолдама алып, шипажайға барды. Гигиеналық құрал-жабдықтарға бюджеттен 11067,0 мың теңге бөлініп, 51 адам қамтылды.
ҰОС қатысушылары мен оларға теңестірілгендер, мүгедектер және зейнеткерлер қатарынан шипажай мекемелерінде денсаулықтарын жақсартуға 13 адам жолданды.
Үйде оқытылатын 37 мүмкіншілігі шектеулі балаға жыл көлемінде материалдық көмек ретінде 4 АЕК мөлшерінде 1064,3 мың теңге төленді.

Ауданымызда арнаулы әлеуметтік қызметтерді сапалы түрде көрсету мақсатында Жарма ауданы әкімдігінің 2017 жылдың 1 маусымындағы №134 қаулысымен «Аумақтық әлеуметтік қызмет көрсету орталығы» коммуналдық мемлекеттік мекемесі құрылып, 12,0 млн. теңгеге ғимарат сатып алынды. Мекеменің штаттық кестесі бекітіліп, 5,5 млн. теңгеге ағымды жөндеу жұмыстары жүргізілді.
Аудан көлемінде әлеуметтік қызметке барлығы 297 адам мұқтаж. Жаңа құрылған мекемеде 294 қызмет алушы қамтылған. Қызмет көрсетуші әлеуметтік қызметкерлер саны 52, мамандар саны 19.
Сонымен қатар облыстық басқарманың мемлекеттік  тапсырысы  негізінде «Жарма  ауданының әлеуметтік серіктестік орталығы» қоғамдық қоры қосымша 36 адамды  арнаулы  әлеуметтік  қызметпен  қамтып  отыр.
Бүгінгі күні жартылай стационарлық жағдайдағы қызмет түрлерімен барлығы 47 адам қамтылған. Оның ішінде мүмкіншіліктері шектеулі балалар саны 22, он сегіз жастан асқан психоневрологиялық паталогиясы бар адамдар саны 25.
Бүгінгі таңда Шар қаласында жартылай стационарлық  жағдайда арнаулы әлеуметтік қызмет  көрсету  бөлімшесі жұмыс жасауда, ғимарат және материалдық жағдайлары шешілген. Ол жерде 6 мүмкіншілігі шектеулі бала, он сегіз жастан асқан психоневрологиялық паталогиясы бар 6 адам қызмет алуда. Үйде  арнаулы әлеуметтік  қызмет  көрсетуде  25 қызмет алушы қызмет алуда.
Әуезов кенті бойынша жартылай стационарлық жағдайдағы бөлімшеде 4 мүмкіншілігі шектеулі  бала, он сегіз жастан асқан психоневрологиялық паталогиясы  бар 7 адам қызмет алуда. Үйде  арнаулы әлеуметтік  қызмет  көрсетуде  5 қызмет алушы қамтылған. 2017 жылы «Бақыршық тау кен кәсіпорны» ЖШС кент әкімдігімен жасасқан меморандум аясында бөлімше ғимаратына 2,0 млн. теңгенің ағымды жөндеу жұмыстарын жүргізіп берді.
Қалбатау ауылындағы жаңадан ашылған жартылай стационарда 24 мүмкіншілігі шектеулі жандар қызмет алуда.

2018 жылы Жарма ауданы бойынша бекітілген Кешенді жоспарға сәйкес мемлекеттік қолдау шараларымен 2336 адамды қамту  жоспарланып отыр. Оның ішінде өзін өзі өнімсіз жұмыспен қамтығандар арасынан 1212 адам, жұмыссыздар қатарынан 687 адам, жұмыс іздеушілер арасынан 412 адам.
2018 жылдың 1 тоқсан қорытындысы бойынша мемлекеттік қолдау шараларымен 396 адам қамтылды.

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарамасын шеңберінде:
Әлеуметтік жұмыс орындарын ұйымдастыруға 35 адамға 10890,0 мың теңге қаражат бөлінді. 2018 жылдың 1 тоқсан қорытындысы бойынша  әлеуметтік жұмыс орындарына 35 адам жолданып, 262,0 мың теңге қаражат игерілді.
Жастар іс-тәжірибесін ұйымдастыруға 15 адамға 5411,0 мың теңге қаражат бөлінді. Қаржыландыру жоспарға сәйкес жастар іс-тәжірибесін мамыр айынан бастап ұйымдастыруға жоспарланып отыр.
Бағдарламаға қатысушыларды кәсіптік қысқа мерзімді курстарымен қамсыздандыруға жалпы сипаттағы трансферттер «облыстық бюджет» арқылы 51 адамға 9759,0 мың теңге қаражат бөлінді. Қысқа мерзімді курсатрын 15 сәуірден бастау жоспарланып отыр. 
«Аумақтарды дамыту» бағдарламасы жергілікті бюджет қаражаты есебінен 1 тоқсан қорытындысы бойыншаәлеуметтік жұмыс орындарын ұйымдастыруға 10 адамға 869,0 мың теңге қаражат бөлінді. 2018 жылдың 1 тоқсан қорытындысы бойынша  әлеуметтік жұмыс орындарына 10 адам жолданып, 186,0 мың теңге қаражат игерілді.

Жастар іс-тәжірибесін ұйымдастыруға 15 адамға 3608,0 мың теңге қаражат бөлінді. 2018 жылдың 1 тоқсан қорытындысы бойынша 5 адам жолданып, 421,0 мың теңге қаражат игерілді.    
Бағдарламаға қатысушыларды кәсіптік қысқа мерзімді курстарымен қамсыздандыруға аудандық бюджеттен 2010,0 мың теңге қаражат бөлінді. Қысқа мерзімді курсатрын 15 сәуірден бастауға жоспарланып отыр. 
Ақылы қоғамдық жұмыстарына 600 адамға 45857,0 мың теңге қаражат бөлініп, жыл басынан 241 адам қатыстырылып, 5976,0 мың теңге қаражат игерілді.

 

МҰРАҒАТ

Жұмыспен қамту және әлеуметтік бағдарламалар бөлімінің 2016 жылдың көлемінде атқарған жұмыстары туралы ақпарат
«Жұмыспен қамту 2020 жол картасы» бағдарламасы шеңберінде атқарылған жұмыстар туралы ақпарат
2015 жылғы «Жұмыспен қамту 2020 жол картасы» бағдарламасының іске асырылуы бойынша ақпарат
   

 

Парақтар өзгертілді: 16-04-2018