Мәдениет

Аудандық мұражай
Ауданның құрметті азаматтары
Ауданның мәдени мекемелері
Аудан кітапханалары

Жарма аудандық мәдениет және тілдерді дамыту бөлімі бойынша 2018 жылдың 1 тоқсанында  атқарылған мәдени-іс шаралары

Шар қалалық кітапхананың ұйымдастыруымен 22 қаңтарда Елбасы «Болашаққа бағдар: рухани жаңғыру» бағдарламасы аясында өткізілген тұсаукесер жерлесіміз журналист, Қазақстан Журналистер Одағының мүшесі, баспа және полиграфия ісінің қайраткері Рамазан Кенжеханұлы Белдеубаевтың «Қош бол, қайран Қырмызы» атты кітабы туралы өткізілді. Кітаптың тұсаукесерін  еңбек ардагерлерінің төрағасы Қ.Т. Мұсатаевқа ұсынылды.Сөз кезегін алғандар қала әкімі М.Б.Сакенов, ақсақалдар алқасының төрағасы С.Ирбаев,ардагерлер хорының жетекшісі Н.Құсайынова, П.Г.Карелин орта мектебінің ұстазы Оразбаева С.Д." Қош бол, қайран Қырмызы " кітабы автордың ұзақ жылғы тынымсыз ізденісі нәтижесінде дүниеге келген бағалы еңбек екенін атап айтты. Шараға қатысушылар айтқан пікірлерін ортаға салып, жаңа кітаптың тұсаукесерімен құттықтады. Ең бастысы, бұл үлкен қуанышқа автор Рамазан Кенжеханұлы  жиналған қонақтарға ризашылықтарын білдірді.
Қалалық кітапхананың атынан Р.К. Белдеубаевқа шағын сыйлық тарту етілді.

Аяулы ана, мөлдір махаббат, шынайы бақыт туралы тамаша әндер жазған, бірегей талант иесі, қазақ халқының мақтанышы композитор Алтынбек Қоразбаевтың 70 жылдық мерейтойы қарсаңында «Сырлы әндермен сыр шерткен» атты әдеби музыкалық кеш Шар қалалық кітапхананың ұйымдастыруымен Мәдениет үйімен бірлесе өткізілді.
Кеш барысында сазгердің белгілі әндері Мәдениет үйі қызметкерлерінің, Ардагерлер хор ұжымының орындауында шырқалса, кітапханашылар Алтынбек Қоразбаевтың өмірбаянымен, шығармашылығымен қатысушыларды таныстырды.
«Елге сәлем» (Е.Зейноллаева), «Сағындым Алматымды» (Ардагерлер хор ұжымы), «Қоштасудың қиыны-ай» (Е.Бабаев, Ә. Көшербаева), «Қара шал», «Сағындым Кенен атамды» (Т.Карибаев), «Үшқоңыр» (Квартет) және тағы басқа өлеңдері көрермендердің көңілдерінен шықты.

Шар қалалық кітапхананың ұйымдастыруымен қалалық әкімшіліктің конференцзалында ҚР Президенті Н.Ә. Назарбаев  2018 жылғы 10 қаңтарда Қазақстан халқына «Төртінші өнеркәсіптік революция жағдайындағы дамудың жаңа мүмкіндіктері» атты Жолдауы талқыланды.
Талқылауды ақсақалдар алқасының төрағасы С.Ирбаев ашып өз сөзінде Өткен жылы Қазақстанның Үшінші жаңғыруы бастау алса, индустрияландыру бағдарламасы табысты іске асуда. Биыл «Цифрлық Қазақстан» кешенді бағдарламасы қабылданды қажетті бағдарламалардың барлығы бар екендігін айтты.
Сөз кезегін алған кітапханашылар Мемлекет басшысы ең дамыған 30 елдің қатарына кіру жолындағы еліміздің 10 негізгі міндетін белгілеп бергендігі, осы 10 міндеттің барлығында цифрландыру бағыты анық көрсетілгені туралы айтып,10 бағытқа қысқаша слайд көрсетілді.
Әкімнің орынбасары Н.М.Табулдинов және басқа да қатысушылар талқылау барысында Жолдаудың әрбір бағытына тоқталып пікір алмасты.

Туған жер –әркімнің шыр етіп жерге түскен, бауырында еңбектеп, қаз басқан қасиетті мекені. Талай жанның өмір-бақи тұратын өлкесі. Атамекенннің қарыс қадам жерін жауға бермей, ұрпаққа мирас етіп, қорғауды аманат етіп қалдырды.
Өткізілетін іс-шараның мақсаты – оқушылар бойында патриоттық сезімді ояту. Тарихи ескерткіштерді қастерлеуге шақыру.
«Рухани жаңғыру» бағдарламасы аясында 9-ақпан күні сағат 12:00-де мектепте өткізілген "Ауылым -алтын бесігім" атты ақпараттық слайдты түсіндіру барысында ауылдық кітапханашы: «Қашанда халқымыз үшін ауыл - руханиятымыздың темірқазығы, ұлттық құндылықтарымыздың алтын бесігі, береке мен байлығымыздың бастауы екені даусыз. «Біз кімбіз, қайда барамыз және 2050- інші жылға қарай қайда болғымыз келеді?»-деді Елбасымыз Н. Назарбаев «2050 жылға арналған жолдауында. Қазақстан 2050 жылға қарай әлемнің ең дамыған 30 елінің қатарында болуы тиіс. Елбасымыздың ауылды көтеру жайлы бастамаларын халықтың санасына жеткізу парыз. Ауылға өзгеріс пен жаңалық әкелетін білім мен ғылым. Қазіргі ауылдың әл-ауқатын көтеру, оны нағыз іспен қолдайтын жастарымыз білім мен ғылымға көңіл бөліп, ел мен жерді қасиеттейтін, осы ауылдың жанашыр азаматына айналып, тұлға болып қалыптасулары қажет. Егер біз білімді болсақ бізбен санасатын болады.

Бірде жүгіріп, бірде жығылып жүрген қазақ елі енді еңсесі биік, көңілі көтеріңкі, қадамы мығым, өркениетті замана ағысына қосылды.» - дей келе кітапханашы Шалабай ауылы жайлы мәліметтерді слайд арқылы ақпарат берді.

  • Информация о проведенных мероприятиях за июль, август, сентябрь месяцы 2017 г Жарминского районного отдела культуры и развития языков
  • Информация о проведенных мероприятиях за июль, август, сентябрь месяцы 2017 г Жарминского районного отдела культуры и развития языков
  • Информация о проведенных мероприятиях за июль, август, сентябрь месяцы 2017 г Жарминского районного отдела культуры и развития языков
  • Информация о проведенных мероприятиях за июль, август, сентябрь месяцы 2017 г Жарминского районного отдела культуры и развития языков

«Ақ бата – асыл мұра»

2018 жылы 12 ақпан күні Қаратөбе ауылдық клубында огруг әкімі М.К. Туякбаевтың бастамасымен, әкімдіктің, ауылдық кітапхананың ұйымдастыруымен «Ақ бата – асыл мұра» атты байқау округ ақсақалдарының арасында өткізілді.
Бұл байқау Қазақстан Республикасының Президенті Н.Ә.Назарбаевтың «Болашаққа бағдар: рухани жаңғыру» мақаласында айтылған ұлтымыздың аса бай рухани мұрасын жаңғыртудың болашақ бағдарына халық болып атсалысуды көздейді.
Өткізу мақсаты: Қазақстан халқының бірлігі мен  ынтымағындағы ұлттық құндылығымыз «Бата беру арқылы» көне дәстүрімізді жаңғыртып, өскелең ұрпаққа үлгі болу. Байқауға 7 ақсақал қатысып, жүлделі орын алған қатысушылар грамотамен, бағалы сыйлықтармен және ақшалай марапатталды. Байқаудың екінші кезеңіне Кентарлау ауылының тұрғыны Таңатаров Заманбек атамыз өтті. Қосымша тақырыпқа сәйкес кітап көрмесі ұйымдастырылды. Бұл іс шараның демеушілері: «Динара» ш/қ басшысы К.У.Шәріпов, Әди ауылындағы ардагерлер ұйымының төрайымы Е.И.Квач  және округ әкімі М.К.Туякбаев.

Шар қалалық кітапхананың ұйымдастыруымен Ауған ардагерлеріне арналған кездесу сағаты өткізілді. Іс- шараға Б.Тұрсынов орта мектебінің оқушылары, кітапханашысы Идришева Б, қалалық әкімшіліктің қызметкері А.Сүлейменова, қазақ тілі мен әдебиет пәнінің мұғалімі С.Оразбаева және т.б қатысты.            

 Іс-шара Ауған соғысына арналған бейнесюжеттен басталды.
Сөз кезегін алған ауған ардагері Нұртазин Талғат соғыс жайлы естеліктерімен бөліссе, келесі қонағымыз ауған ардагері Сылдырбаев Ербол, қаруластары мен командирлері, өткізілген ауыр ұрыстар туралы айтты.
Іс- шараны одан әрі мәдениет үйінің әншілері Жұмадилов Ердос, Қайырлы Сабыржан, Бабаев Ержан мерекелік ән- шашуларымен жалғастырды. Кездесудің соңында Ауған ардагерлеріне кітапхана тарапынан шағын сыйлықтар берілді

 

«Өзгерген атаулар, жаңарған ұғымдар» атты дөңгелек үтел

2018 жылдың ақпан айының 15-жұлдызы күні Жарма аудандық Мәдениет үйінің кіші залында Мәдениет және тілдерді дамыту бөлімінің ұйымдастыруымен «Өзгерген атаулар, жаңарған ұғымдар» атты дөңгелек үстел отырысы өтті.
Отырысқа Жарма ауданының әкімі Сыдықов Нұрлан Батташұлы және Облыстық тілдерді дамыту басқармасының ономастика бөлімінің басшысы Төлемысова Роза Ашимханқызы қатысты.
Отырысты Мәдениет және тілдерді дамыту бөлімінің басшысы Даутов Аманжол Төлеубекұлы жүргізді.
Дөңгелек үстел отырысының басты мақсаты әкімшілік-аумақтық округ әкімдері мен мектеп директорларына ұстаздар мен ауыл ақсақалдарына, бөлім, мекеме басшыларына ономастика мәселесіне қатысты түсініктеме берілді.
Отырыс барысында аудан бойынша идеологиялық тұрғыдан ескірген көше, ауыл, атауларына талдау жасалып, атауы жоқ көшелерге, өзгертуге жататын мектептерге және орысша жазылған көше атауларын өзгерту жөніндегі ұсыныстар талқыға салынды.
Осы өңірден шыққан танымал жерлестеріміз яғни «Тарихи тұлғалар» тақырыбы ашылып, өңірдің табиғаты туралы арнайы слайд көрсетілді. Кофе-брейк ұйымдастырылып «жеріңнің аты-бабаның хаты» атты кітап көрмесі ұйымдастырылды.

  • Информация о проведенных мероприятиях за июль, август, сентябрь месяцы 2017 г Жарминского районного отдела культуры и развития языков
  • Информация о проведенных мероприятиях за июль, август, сентябрь месяцы 2017 г Жарминского районного отдела культуры и развития языков

 

"Аналар - асыл қазынам!"

Шалабай ауылдық округінде 6 - наурыз сағат 11:00-де "Аналар – асыл қазынам" атты 8-наурыз Халықаралық Әйелдер күніне орай мерекелік кеш өтті. Кешке көп балалы аналар, тыл ардагерлері, кәсіпкерлер, жалғыз басты әйелдер шақырылды. Кештің мақсаты: кеште біздің қазіргі қоғамымызда әйел тек отбасының береке-бірлігін ойлайтын тұлға ғана емес, ол мемлекеттің өмірге және саяси мәселелерге белсене араласатын қоғам мүшесі, әйел адамның әлеуметтік қорғалуына, олардың өмір сүру деңгейін арттыруға айрықша маңыз беріледі.
Округтегі ақжаулықты аналарымызды ауыл әкімі Ж. Есембаева құттықтап,
заттай сыйлықтар табыстады. Сонымен қатар өз ұйымына еңбегі сіңген әйелдері: Мусрепова Г, Жумакбаева К, Жамантаева Р, Стыбаева А, округ әкімінің алғыс хатымен марапатталып, сыйлықтар берілді.
Қымбатты әжелеріміз бен қыз-келіншектерге арналған әннен шашу шашылып, би биленіп, конкурстар өткізіліп, конкурс қатысушыларына сыйлықтар берілді.
Көрнекіліктер: нақыл сөздер, шарлар, әр түрлі көбелектер, 8-Наурыз жайлы слайд.

Наурыз мерекесі қарсаңында Шар қалалық кітапханада «Жаса, Наурыз, дәстүрлі» атты фольклорлық отырыс өткізілді.
Отырысқа зейнеткерлер, құрметті қала тұрғындары, Ардагерлер хор ұжымының мүшелері қатысты.
Кітапхананың оқу залы мерекелік безендірілді. Дастархан жайылып, шараға мерекенің нышаны: ағаш ыдыс-тостаған, қазақ киіз үйінің макеті, ұлттық ою-өрнекті құрақ көрпелермен және, Наурыз мерекесінің ерекшеліктері туралы кітаптар қойылды.
Кездесуде қазақтың халық әндері шырқалып, сайыстар және мақал-мәтелдер бойынша ойындар ұйымдастырылды. Отырыста бейнепрезентация, Наурыз мерекесінің шығу тарихы туралы бейнесюжет көрсетілді, Мәдениет үйінің қызметкері Көшербаева Әлия ән шашуын жолдады, қатысушыларға кітапхана тарапынан аздаған сыйлықтар тапсырылды.

«Би жұлдызы» байқауы

2018 жылдың наурыз айының 15 жұлдызында Шар қалалық мәдениет үйінде «Би жұлдызы» байқауы 2 кезеңде өткізілді.                                                                                                     
Қатысушылардың жас шамасы: 10-13 жас,14-18 жас аралығындағы топтық және жеке бишілер қатыса алады.
Байқаудың мақсаты: Елімізде мекендейтін көп ұлтты өкілдердің биін насихаттап,халықтар достығын нығайтуға үлес қосу.Жастарды мәдени қоғамдық өмірге тарту.
Жастарды рухани мәдениеті мен шығармашылық бастамашылығын дамыту және жетілдіру. Талантты жастарды айқындау және қолдау көрсету.                                                                                                                      
Іріктеу кезеңі : 27-28 ақпанда әр мекемеде өткізілді.                                                                    
Қортынды кезең: 15 наурыз күні сағат 15-00 де мәдениет үйінде өткізілді.
Қортынды кезеңде: 11 би көрсетілді. Соның 7 биі, яғни Қазақ биі, Орыс биі, Корей биі, Армян биі, Испан билері ерекше көрсетіліп, жүлделі орындарға ие болып, арнайы мақтау қағаздарымен марапатталды.
Билердің жалпы санына қарай-қазылар алқасының шешімімен 1-орынды: П. Карелин орта мектебі
2-орынды: Абай атындағы мектеп-балабақша кешені
Ал қалғандары белсене қатысқандары үшін, «көрермендер көзайымы», «көңілді би» номинацияларына ие болды.

«Әдеби қобдиша»
Әдеби-танымдық ойын
Шар қалалық кітапханасында «Балалар кітабының апталығы» аясында балалар жазушыларына арналған әр тұрлі ойындар мен сайыстар өткізілді. Кішкентай оқырмандардың есінде қалған ойындардың бірі « Әдеби қобдиша». Бұл іс-шараға П.Г.Карелин атындағы орта мектебінің 3 сынып оқушылары қатысты (мұғалімі Шаяхметова Г. Д.)

Әдеби мереке К. Чуковский, С. Маршак, С. Михалков, А. Барто сынды жазушылардың шығармаларымен танысудан басталды. Жас оқырмандар Айболит және Бармалей, Муха-цокотуха және Бассеянная көшесінің Рассеяный атты тұрғынымен тілдесті. Ойын барысында оқырмандар «Сөз іздеу» атты көңілді ойынға қатысып (энциклопедиялармен жұмыс), қызықты сұрақтарға жауап берді, тапқырлық пен өнерлерін көрсетіп, сүйікті ертегілерін еске алды,  Ең білімді және белсенді қатысушылары болып танылған Персанов Коля мен Абай Балжан грамоталарымен марапатталды, қалған қатысушылар ынталандыру сыйлықтарына ие болды.


«Қалдырған ізің мәңгілік»

«Біржан-Сара» операсы композитор шығармашылығының биік шыңы, ұлттық музыка мәдениетінің інжу-маржаны болып саналған, есімі ұлттық мәдениетіміздің тарихына алтын әріппен жазылған, аса көрнекті композитор, қазақ жазба музыкасының негізін қалаушылардың бірі М.Төлебаевтың туғанына 105 жыл толуына арналған «Қалдырған ізің мәңгілік» атты әдеби әуен кеші Шар қалалық кітапхананың ұйымдастырыуымен қаламыздағы өнер мектебінде өтті. Кеш барысында оқушылар  композитордың  өмірбаянымен, шығармашылығымен таныстырылды, слайд арқылы Мұқан Төлебаевтың «Ақмарал сұлу еркем- ай» атты әннің тамашалады. Кештің құрметіне өнер мектебінің оқушылары Тастановтың «Би» күйін тарту етті. Іс- шараға өнер мектебінің ұстаздары Айжан Дауленова,Р аушан Дюсембинова, Шолпан Оспанова т.б. қатысты.
Нағыз өнердің иесі М.Төлебаев қазақтың кәсіпқой музыкалық мәдениетін қалыптастырған ірі тұлға.
Наурыз - шығыс елдерінің бүкілхалықтық мейрамы, Ұлыстың Ұлы күні. Наурыз шығыс халықтарында жыл басы мерекесі ретінде тойланып ерекше күн ретінде аталып өтіледі. Қазақ халқы да Наурыз мерекесін айрықша бағалап, оны жыл сайын өткізіп отыруды салт-дәстурге айналдырған.
Дәстүрімізді дәріптеп, асыл мұраларымыздың бедерін айшықтайтын мереке Ұлыстың Ұлы күні қарсаңында 22-наурызда сағат 10:00-де Шалабай ауылдық округінде «Қош келдің, Әз-Наурыз» атты мерекелік іс-шара өткізілді. Алдын ала ауылдың орталық көшесі қардан тазаланып, мерекеге орай безендірілді. Мереке күні орталық көшеде ән мен биден шашу шашылып, «Жырым сен, Жарма» атты жыр мүшайрасы өтіп, жәрмеңке ұйымдастырылды. Мереке қызған кезде халық арасында ұлттық спорт ойындары ойнатылынып, жеңімпаздарды бағалы сыйлықтармен марапатталды. «Рухани жаңғыру» бағдарламасы аясында, Жарма ауданының 90 жылдығы және Наурыз мерекесіне орай мектеп спортзалында волейболдан турнир өткізілді. «Шалабай» ЖШС-нің демеушілігімен «Тай жарысы» өткізіліп, оза шапқан дарабоздар бағалы сыйлықтармен марапатталды. Ақ жаулықты әжелеріміз шашу шашып, ақсақалды аталарымыз бата берді. Жиналған қауымға мол дастархан жайылып, наурыз көже ұсынылды. Наурызға жиналған адамдар өз жүрегінің ақ тілеуін айтып, адал көңілдерін ақтарады. Өздерінің және еліміздің амандығына деген тілек, ниеттерін ортаға салды.

  • Информация о проведенных мероприятиях за июль, август, сентябрь месяцы 2017 г Жарминского районного отдела культуры и развития языков
  • Информация о проведенных мероприятиях за июль, август, сентябрь месяцы 2017 г Жарминского районного отдела культуры и развития языков

«Ертегілер еліне саяхат» саяхат-ойын

Балалар апталығының 4 күнінде Абай атындағы мектеп балабақша кешенінің 3 сынып оқушыларымен «Ертегілер еліне саяхат» ойыны өткізілді.
Ойынның мақсаты: ертегілер туралы балалардың білімін кеңейту; тіл мәдениетін дамыту; топпен жұмыс істеу қабілетін, оқуға деген қызығушылықтарын арттыру.
Үш топқа бөлінген қатысушылар шара барысында Ертегілер білгірін, Жұмбақ патшасын анықтады, ертегілер туралы білімдерін ортаға салды.
«Сиқырлы заттар қоймасы» атты аялдама балалардың қызуғышылығын тудырды. Олар Алтын кілттің, тақияның, қызыл телпектің т.б. сиқырлы заттардың иелерін тапты. Ең белсенді қатысушылар және ең көп ұпай жинаған топ шағын сыйлықтармен марапатталды

«Күлкі әлеміне саяхат» атты көңілді тапқыштар клубының
өткізілгендігі туралы АҚПАРАТ
2018 жылдың 13 сәуірі күні сағат 15-00де Шар қалалық мәдениет үйінде «Күлкі әлеміне саяхат» атты сазды көңілді тапқыштар клубының ойыны өткізілді.
Осы сазды кеште Шар қаласының мекемелерінен 5 команда қатысты.                                                 
Олар Жарма технологиялық колледжі «Жайфон», Балауса бала бақшасынан, «Балауса KZ», Абай атындағы мектеп балабақша кешенінен «AваI KZ» , Шар қалалық ауруханасынан «МеdicaI», П.Карелин атындағы орта мектебінен «Шик» қатысты.
Ереже бойынша: 1. Сәлемдесу-таныстыру
2. «Отбасының күйі»жайлы үзінді
3. Жорға   сұрақ-жауап
4. Музыкалық бөлім 
Барлық қатысқан командалар өз ойларын ортаға салып ат салысты, әрбір командалардың дайындап әкелген сұрақтары мен жауаптары мазмұнды болды.
Жиналған көрермен қауымға Мәдениет үйінің әншілерінің орындауында:
«Ассаламағалейкум», «Менің толқыным», «Түсімдегі қыз» атты әндері шырқалды.
Қазылар алқасының шешімімен:
Бас жүлде-«МеdiсаI» командасы Ауыспалы кубокқа ие болды
1-орын – «АbаI KZ»
2-орын- « Шик»командасы
3-орындар –«» Жайфон және «Балауса KZ»командалары ие болды.

 

МҰРАҒАТ

Мәдениет және тілдерді дамытусаласындағы 2017 жыл
Мәдениет және тілдерді дамытусаласындағы 2016 жыл
Мәдениет және тілдерді дамытусаласындағы 2015 жылдың 11 айы бойынша өткен ісшаралар
Жарма аудандық мәдениет бөлімі бойынша 2014 жылғы атқарылған мәдени ісшаралар туралы ақпарат
Жарма аудандық мәдениет бөлімі бойынша 2013 жылғы атқарылған мәдени ісшаралар туралы ақпарат

 

Парақтар өзгертілді: 20-04-2018