Аудан әкімі

Құрметті достар!

Жарма ауданы әкімінің ресми сайтына қош келдіңіздер.
Бүкіл республикамен қатар Шығыс Қазақстан облысы, Жарма ауданы да шұғыл дамып келеді. Экономика біртіндеп дамуда, мәдени және спорт өмірінде айтарлықтай табыстар байқалып, кіші және шағын кәсіпкерлікпен шұғылданатын жармалықтар саны өсуде. Қазақстан Республикасының Президенті жоспарлаған «Қазақстан 2030» стартегиясының ажырамас бөлігі болып табылатын әлеуметтік бағдарламалар табысты жүзеге асуда.
Жарма жері пайдалы қазбаларға бай, олардың ары қарай игерілуі үшін индустриалдық-инновациялық «шұғыл алға жылжу» жобаларын іске асыру басталды.
«Электрондық әкімшілік» идеясын жүзеге асырудағы алғашқы қадам – қазіргі сайт болып табылады, мұнда әрбір пайдаланушы, аудан тұрғыны, кәсіпкер мен инвестор барынша мөлшерде ақпарат алып, қойылған сұраққа жауап ала алады.
Біздің сайт ауданның қоғамдық-саяси және әлеуметтік-экономикалық дамуына, сондай-ақ жергілікті атқару органдары қызметіне жағдай жасайтынына сенемін.

Біздің сайтымызға қош келдіңіздер!

Нургожин Ахметкали Ахашевич Нұрғожин Ахметқали Ахашұлы - Жарма ауданының  әкімі
Нұрғожин Ахметқали Ахашұлы 1966 жылдың 25 мамырында Семей облысы, Бесқарағай ауданы, Щедруха кардонында дүниеге келген. Ұлты – қазақ, екі жоғары білімі бар. Нұр Отан партиясының мүшесі.
Еңбек жолын 1983 жылдың 9 қыркүйегінде Бесқарағай ауданында авто көлік паркінде I санатты слесарь, бұрынғы Семей облысы Бесқарағай ауданының «Башкуль» совхозында жүргізуші болып бастаған.
1991 - 1997 жылдары Бесқарағай ауданында бас агрономы.
2001 - 2002 жылдары Бесқарағай ауданының жер қатынастар инспекциясының бас маманы.
2005 - 2007 жылдары құрылыс тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы.
2007 - 2008 жылдары Бесқарағай ауданы әкімінің орынбасары.
2008 - 2015 жылдары Шығыс Қазақстан облысы Бородулиха ауданы әкімінің орынбасары.
2015 - 2016 жылдары Шығыс Қазақстан облысы ауыл шаруашылық басқармасының орынбасары.
2016 - 2019 жылдары Катонқарағай ауданының әкімі қызметін атқарды.
2019 жылдың 29 сәуірінде Шығыс Қазақстан облысы әкімінің өкімімен  Жарма ауданының әкімі лауазымына тағайындалды.

Міндеттерді бөлу:
Аудан бойынша жалпы бақылау, Қазақстан Республикасы Президентінің, Үкіметінің нормативтік құқықтық актілерді, облыс әкімінің шешімдерімен өкімдерді орындау жөнінде стратегиялық және ағымды міндеттерді, ауданның экономикалық және әлеуметтік даму міндеттерін шешу, басқару құрылымын оңтайландыру. Кадрлық саясатты жүргізеді.
Бюджетті қалыптастыру жұмысын басқарады, жергілікті бюджетке кірістерді уақытында түсетіндігіне бақылау жасайды және бекітілген бюджеттік бағдарламаларына сәйкес бюджет құралдарын пайдалануын қамсыздандырады.
Тиісті адамдарды мемлекеттік наградалармен марапаттау, оларға құрметті және өзге де атақтар беру туралы жоғары органдарға ұсыныс енгізеді.
Аумақтық бірліктер әкімдерінің жұмыстарын үйлестіреді.
Жергілікті мемлекеттік басқарудың үлгі құрылымдары негізінде қалыптастырылған схемасын тиісті мәслихаттардың бекітуіне енгізеді.
Прокуратура, сот, ішкі істер бөлімі, ұлттық қауіпсіздік комитетінің органдары, қаржы полициясы аралығында ұйымдастыру байланысын жүзеге асырады.
Қылмыс және сыбайлас жемқорлыққа қарсы күрес жөніндегі үйлестіру кеңесінің жұмысын бақылайды.

Қабылдау күндері: Әр айдың ІІ, ІV дүйсенбісі 14-30 - ден 18-30-ге-ге дейін
Телефон: 8(723 47) 65-222
e-mail: akh.nurgozhin@akimvko.gov.kz

 ӘКІМНІҢ БЛОГЫ

 

Парақтар өзгертілді: 29-04-2019