Ауыл шаруашылығы

Ауыл шаруашылығы өнімдерін сатып алу, өндіру, өңдеу және іске асыру тәртібі жөнінде ақпарат  
Жарма ауданы бойынша қайтаөңдеу кәсіпорындарының тізімі *.doc 37 KB

2018 жылдың I-ші жартыжылдығында Жарма ауданының ауыл шарушылығы саласының дамуы туралы ақпарат

Ауыл шаруашылық саласындағы 576 ауылшаруашылық құрылымында (528 шаруақожалығы, 34 ауылшаруашылық өндірістік кооперативі, 12-ЖСШ, 2-мемлекеттік мекемеде) 2 117 адам жұмыспен қамтамасыз етілген. Ауылшаруашылығының жалпы өнімінің көлемі 7270,0 млн. теңгені құрап, 2017жылдың 1 жартыжылдығынан 764,0 млн.теңгеге өсті немесе 11,7 пайызға артты. Нақты көрсеткіш индексі 103,7пайызды құрады. Бұл көрсеткіш тек мал шаруашылығы өнімі бойынша, өсімдік шаруашылығы өнімін есептеу 2 жарты жылдықтан басталады.
Ет өндірісі 5460,0 тоннаны құрап, өткен жылғы көрсеткіштен 107,0 пайызға артты, сүт өндірісі – 27024,2 тоннаны құрады немесе өткен жылмен салыстырғанда 101,8 пайыз, 2099 мың дана жұмыртқа алынып 105,7 пайызға артты.
Ірі қара мал басының саны 89459 басты, (105 пайызға артты), қой мен ешкі 247921 басты (93 пайыз құрады), жылқы 32318 басты (7,0 пайызға артты) құрады.
Ауыл шаруашылық малдарының тұқымдық түрлену бағдарламаласы аясында сатып алынған  296 бас асыл тұқымды ірі қара малына 44,2 млн. теңгені құрайтын субсидия төленді  және  260 бастың құжаттары реттелуде.
2017-2021 жылдарға арналған мемлекеттік «Нәтижелі жұмыспен қамту және жаппай кәсіпкерлікті дамыту» бағдарламасы аясында 71,0 млн. теңгеге 40 өтініш түсті, оның 13 өтініші 30,5 млн. теңгеге мақұлданды, 27 өтініш қаралуда.Ауыл шаруашылық тауар өндірушілерге «Сыбаға» бағдарламасы 2018-2027 жылдарға арналған.
Ағымдағы жылдың 1 жартыжылдығында  17863 га жаздық ауыл шаруашылығы дақылдары егілді, оның ішінде 9293 га дәнді дақылдар, 4850 га майлы дақылдар мен көкөніс дақылдары, 3720 га мал азығы дақылдары. Былтырғы жылдың көп жылдық шөп алқабы 10686 га. Биылғы игерілген барлық егістік алқабы 28549 га құрады. Көктемгі егістік жұмыстарына қолда бар 1490 тонна, қосымша  240 тонна элиталық дәнді дақылдар тұқымдары қолданылды. Пайдаланылған тұқымдардың барлығы тұқымдық зертханада тексеріліп, тазалық және өнімділік жағынан қолданылуға тиімді деп танылды.
Аудан бойынша бес ауылшаруашылық құрылымдары топырақ құнарлылығын және өнім сапасын арттыру мақсатында 68,0 тонна минералды тыңайтқыштар сатып алып қолданды. Көктемгі-егіс жұмыстарын жүргізу үшін мемлекет тарапынан тауар өндірушілерге 585,0 тонна арзандатылған бағада дизель отыны бөлінді.
Бірінші жартыжылдықта 2018ж 4 трактор,4 шөп шабатын техникасы алынды.

 

Бизнестің әлеуметтік жауапкершілігі бойынша аудан тұрғындарының әлеуметтік жағдайын дамыту мақсатында 2018 жылға 11 кәсіпорын иелерімен жалпы сомасы 123 455 мың теңгеге меморандумдарға қол қойылып тиісті жұмыстар жүргізілуде. 
Соның ішіндегі ен қомақтысы «Бақыршық» тау кен кәсіпорыны» ЖШС-нің Әуезов кентінде саябақ аланың салып, шілде айының басында қолданысқа берілді.

Құнсыздану үдерістерін тежеу туралы:
Ауданда құнсыздану үдерістерін тежеу жөніндегі штаб жұмыс атқаруда. Ауданда азық-түлік тауарларына, шеттен әкелінетін тауарларға, көкеніс өнімдеріне, жергілікті тауар өндірушілердің тауарларына, нан және нан өнімдеріне күнделікті талдау жасалып мониторинг жүргізіледі. Ауданның базарлары күнделікті сұранысты қамтамасыз етеді.
Бүгінгі күнге 65 негізгі тұтыну тауарларын сататын сауда кәсіпорындар басшылары және барлық жанармай құю стансалармен негізгі тұтыну тауарларының бағаларына, жанармай өнімдерінің  үстеме бағасын 10 %-дан асырмауға меморандумдарға қол қойылып, шарттарының орындалуы қатаң қадағалануда.
Жыл көлемінде ауданы бойынша 2 әлеуметтік дүкен және 16 әлуметтік бөлімдер ашылып жұмыс істеп тұр. Барлық дүкен иелерімен меморандумға қол қойылған және басқа да округтерде әлеуметтік дүкен немесе әлеуметтік бөлім ашу жұмыстары жүргізілуде.
Ашылған әлеуметтік дүкендермен бөлімдерде округтердегі әлеуметтік аз қамтылған тұрғындардың тізімі бойынша азық-түлік тауарларының 18 түріне баға 10-20% жеңілдікпен сатылады. Ауданның барлық аумақтық бірліктерінде Жастар бірлестігінің, «НұрОтан» партиясынын және ардагерлер кеңесінің мүшелерінен тұратың қоғамдық штабтар құрылып, апта сайын мониторинг жүргізілуде. Аталған іс-шаралар нәтижесінде жылдың басынан бағанын себепсіз өсу фактілері орын алған жоқ.

Шағын кәсіпкерлік саласы бойынша атқарылған жұмыстар:
Бүгінгі күнге аудан бойынша 2197 шағын және орта бизнес субъектілері тіркелген, оның ішінде 173 заңды тұлға, 1259 жеке кәсіпкерлер, 765 шаруа қожалығы. Бұл салада 3593 адам жұмыспен қамтылған немесе экономикалық белсенді тұрғындардың 17,0 пайызын құрайды.  2016 жылдың 12 айында 119 шағын кәсіпорын тіркелді (өткен жылы 107 немесе 111,2%). 53 кәсіпорын белсенді жұмыс атқарып тұр.
Шағын және орта бизнестің өндірілген өнім көлемі 2 137 мың теңгені құрап, өткен жылмен салыстырғанда 110,1 пайызға артты. (2017 жылы 1 826 мың. теңге).

5 айдың қортындысы бойынша шағын және орта бизнестен түскен салық түсімдері 137 млн. 925,6 мың. теңгені құрап, өткен жылдың сәйкес кезенімен салыстырғанда 63 млн. 035,3 мың теңгеге артты немесе 184,2% құрады. (2017 жылы 74 млн. 890,3 мың теңге).
Елбасы атап өткен мемлекеттік бағдарламаларды жүзеге асыру мақсатында өткен жылы Қалбатау ауылы және Шар қаласындағы халыққа қызмет көрсету мекемелерінде кәсіпкерлікті қолдау орталықтары ашылып жұмыс істеп тұр. Сонымен қатар кәсіпкерлердің құқық-мүдделерін қорғау мақсатында Жарма ауданының кәсіпкерлер палатасы жұмыс атқаруда. Жалпы ауданымызда шағын кәсіпкерлікпен айналысушылардың саны соңғы 4 жылда 15 % өсті.
«Ақ Ниет» бағдарламаларының шарттарына негізделген 3 жоба бойынша жұмыстар жүргізілуде. Олар:
«Тектенова Бакыт» жеке кәсіпкердің Қалбатау ауылында наубайхна сатып алу жобасы. Жоба құны 55 млн. теңге. 01 маусым күні облыс әкімінің бірінші орынбасары Е.Аймукашевта аталмыш жоба бойынша таныстырылым жүргізілді.  Бүгінгі күнге жобаның барлық құжаттары Семей қаласындағы «Форте Банк» АҚ-ның бөлімшесіне тапсырылды.
Сонымен қоса және «Сандыбаева Багнагул» жеке кәсіпкердің 15 млн. теңгеге мейрамхана ашу жобасы және «Токабаева Жанат» жеке кәсіпкердің 5 млн. теңгеге  айналым қаржысын толықтыру жобалары бойынша жұмыстар жүргізілуде.

Ауданның инвистициялық әлеуеті:
2018 жылдың 6 айында негізгі капиталға инвестицияның көлемі 28 348 мың теңгені құрап, өткен жылдың сәйкес кезенімен салыстырған да 127,8 пайызға өсті (2017 жылдың 6 айы- 20 857 мың тенге). Оның негізгі бөлігі «Бақыршық тау кен кәсіпорыны» ЖШС-нің «Қызыл» жобасын жүзеге асырумен байланысты. Сонымен басқа Ағымдағы жылы басталған Алматы-Өскемен және Омск – Майкапшағай тас жолдарын күрделі жөндеу жұмыстарына тартылған инвестиция құрады.
Жалпы ауданымыз қазбалы кен орындарына бай мекен. Бүгінгі күнге сол кен орындарында 20 жуық кен өндеу кәсіпорындары геологиялық барлау жұмыстарын жүргізуде. Іс-шара жоспарын жүзеге асыру кезенінде яғни 2020 жылға дейін ауданымызда 2 ірі инвестициялық жоба жүзеге асыру арқылы 25 млрд. теңгені инвестициясын тарту жоспарлануда. Барлық жобалар ауданның үдемелі индустриялды инновациялық даму бағдарламасы бойынша  үйлестіру кенесінде қаралып, 2 жоба облыстық индустриялық картасына енгізілді. Олар:
1.«Артель Старателей Горняк» ЖШС-нің Ақжал ауылында «Жылына 250 мың тонна руда өндіру бойынша зауытын салу жобасы». Құрылтайшысы: «Казахмыс Корпорациясы» ЖШС. Директоры:  Минигулов Амангелды Мухамедкалиевич. Жобаның сомасы: 27 млн.доллар немесе 7 728 млн. тенге, өз қаражаты. Жүзеге асыру мерзімі :  2016 – 2020 ж.ж. Ашылатын жұмыс орындар саны: Зауыт құрылысы кезенінде-  150-200 адам, жүзеге асырылған мерзімінде- -  445 адам тартылады. (360 жұмысшы, 85 ИТР).
2. «Жангиз Солар» ЖШС-нің Жанғызтөбе кентінде «Қуаттылығы жылына 30 МВт-тық күн электр станциясын салу жобасы».  Директоры: Сейтенов Данияр Ельжанулы. Жобаның сомасы : 47,5 млн. евро немесе 17 млрд. 500 млн. тг, оның ішінде 7 млрд. 400 млн. тенге өз қаражаты, 10 млрд. 100 млн. тенге шетелдік банктердің несиесі. Жүзеге асыру мерзімі : 2016 – 2018 ж.ж. Ашылатын жұмыс орындар саны: Құрылыс кезенінде -150-200 адам,  жүзеге асырылған мерзімінде-  8 адам.
Ауданға инвестиция тарту және инвестициялық жағдайды жақсарту  бойынша жұмыстар үнемі жүргізілуде.

 

2018 жылдың 1 тоқсанындағы Жарма ауданының ауыл шаруашылығы саласының дамуы туралы ақпарат  
2017 жылғы Жарма ауданының ауыл шаруашылығы саласының дамуы туралы ақпарат  
2015 жылғы Жарма ауданының ауыл шаруашылығы саласының дамуы туралы ақпарат  
     
2017 жылы егілген ауыл шаруашылық дақылдары туралы ақпарат *.xls 35 KB
2016 жылы егілген ауыл шаруашылық дақылдары туралы ақпарат *.xls 34 KB
Жарма ауданы бойынша 2015 жыл егілген егістік *.xls 93 KB
Парақтар өзгертілді: 25-07-2018