Барлық адамға қолжетімді

2017 жылғы 30 маусымда БЖЗҚ-ның барлық филиалдарында Ашық есік күні өткізіледі. Қор қызметінің ашықтығын арттыру және тұрғындардың қаржылық сауаттылығын арттыруға бағытталған бұл кезекті шараның тақырыбы «Әрбір салымшы үшін қолжетімді БЖЗҚ» деп аталады.    

Бірыңғай жинақтаушы зейнетақы қоры заман талабына сай зейнетақы жинақтары бойынша ақпарат беру арналары мен қызмет көрсетудің ыңғайлылығын арттыруға ұмтылып келеді. Осы шараға келген қазақстандықтар Қордың салымшылар мен алушыларға ыңғайлы болуы үшін қандай жаңа технологияларды қолданып жатқандығын білетін болады.     

«БЖЗҚ» АҚ Семей қаласындағы өңірлік филиалының мамандары:
«Қазіргі таңда салымшылар және алушылармен өзара қашықтықтан қарым-қатынас жасау арналарын дамыту қажеттілігі туындап отырғандығын, өйткені мына күнделікті күйбең тірлікте Қордың бөлімшесіне келіп кетуге уақыт табыла бермейтіндігін» жеткізді.     

Бүгінгі таңда, БЖЗҚ деректері бойынша 754,5 мыңдай адам «электрондық мекенжай» бойынша ақпарат алу тәсілін таңдаған болса, 3,3 миллионнан астам адам бұл үшін Қордың ресми сайтын немесе смартфондар мен планшеттерге арналған «ENPF» ұялы қосымшасын пайдалану мүмкіндігіне ие. Бұл салымшылар қазір зейнетақы жинақтарының жай-күйін электронды пошта (жылына 12 ретке дейін), сайт немесе ұялы қосымша арқылы (тәулігіне 24 сағат, аптасына 7 күн) қадағалай алады. 2017 жылғы 1 маусымдағы жағдай бойынша ұялы қосымшаның шамамен 797,4 мың рет жүктелгендігін айта кеткен жөн.  

БЖЗҚ-да арнайы интерактивтік ақпараттық киоскілер желісін дамыту және жаңа онлайн сервистерді енгізу арқылы да көрсетілетін қызметтердің сапасын арттыруға баса назар аударылады. Қор сондай-ақ ақпарат беру арналары мен кеңес беруді белсенді түрде дамытып жатыр.

Қор мамандары электрондық қызметтердің артықшылықтары мен оларды енгізу жоспарлары туралы 30 маусымда, шара барысында ұйымдастырылатын таныстырылымда жан-жақты әңгімелейтін болады. Сондай-ақ, БЖЗҚ салымшылары мен алушылары таныстырылымнан кейін өздерін қызықтырған сұрақтарға жауап алып, ақпарат алу тәсілін өзгерту туралы қосымша келісімге қол қоя отырып, зейнетақы жинақтарының жай-күйі туралы ақпарат алудың ыңғайлы тәсілін таңдай алады.     

Естеріңізге сала кетелік, «БЖЗҚ» АҚ алғашқы Ашық есік күні шарасы ағымдағы жылдың 31 наурызында өткізілген болатын. Ол «Зейнетақы жүйесі қалай құрылды» деген тақырыпқа арналды. Қазіргі таңда Қор мұндай шараларды әр түрлі тақырып бойынша тоқсан сайын өткізіп тұруды жоспарлап отыр.

Барлық адамға қолжетімді

«БЖЗҚ» АҚ қызметкерлері дөңгелек үстел өткізді

2017 жылдың 19 сәуірінде «БЖЗҚ» АҚ Семей қаласындағы өңірлік филиалының ұйымдастырыумен «Зейнетақы жүйесі қалай жұмыс істейді. Зейнет жасына келіп қалған адамдарға кеңес» атты дөңгелек үстел өтті.
Абай атындағы кітапханада өткен Іс-шараға 70-тен артық адам қатысты.Оған ММ "Жұмыспен қамту және әлеуметтік бағдарламалар бөлімінің" қызметкерлері де қатысты. Дөңгелек үстел барысында , зейнетақы жүйесін жаңғырту жөнінде ақпараттық-түсіндіру жұмысы өткізілді. Іс шаранының барлық қатысушылары мен қонақтары «Мобильдік қосымша», «Интернет-үзінді», «Зейнетақы калькуляторы» сынайлы интерактивті сервистермен танысуға мүмкіндік алды. Сонымен қатар жұмысқа орналастыру мәселелері бойынша, жұмыссыз зейнет жасына келіп қалған азаматтар ММ "Жұмыспен қамту және әлеуметтік бағдарламалар бөлімінің" қызметкерлерінің құзыретіндегі сұрақтарға білікті кеңес ала алды.
Дөңгелек үстелді қорытындылай келе, белгіленген тақырып қызу талқыға түсті.
Әйелдердің зейнетақы жасын кезең-кезеңмен арттыру туралы көп сұрақтар қойылды. Жауап ретінде аталған реформаның қажеттілігінің негізгі себептері қарастырылды.
Қатысқандар, бір ауыздан, осындай іс-шараларды жүргізудің пайдасы мен қажеттілігін атады, «БЖЗҚ» АҚ Семей қаласындағы өңірлік филиалының қызметкерлері бұл пікірді қолдайды.

«БЖЗҚ» АҚ қызметкерлері дөңгелек үстел өткізді

«БЖЗҚ» АҚ қызметкерлері дөңгелек үстел өткізді

«БЖЗҚ» АҚ Семей қаласындағы өңірлік филиалы

БЖЗҚ туралы 5 сауал

Зейнетақы жинақтары еңбекақыдан құралады
Бүгін біз БЖЗҚ туралы 5 сауал айдарында БЖЗҚ-дағы жеке зейнетақы шотына міндетті зейнетақы жарналарын тұрақты, уақытылы және толық аудару қажеттілігі туралы айтамыз. Сіздің белсенді еңбек қызметі аяқталғаннан кейінгі қамсыздандыруыңыз елеулі дәрежеде осыған байланысты.

БЖЗҚ-дан төленетін зейнетақы төлемдерінің мөлшері неге байланысты?

БЖЗҚ-дан төленетін зейнетақы төлемдерінің мөлшері БЖЗҚ-ға уақытылы аударылған зейнетақы жарналарының көлеміне, жиілігіне, ұзақтығына және толықтығына тікелей байланысты. Осыған орай БЖЗҚ салымшыларға БЖЗҚ-ға міндетті зейнетақы жарналарын, міндетті кәсіптік зейнетақы жарналарын төлеу бойынша агенттер аударымдарының уақытылы және толық болуын тұрақты түрде өз бетінше бақылауға кеңес береді. Зейнетақы жинақтарыңызды кез келген БЖЗҚ бөлімшесіне барып не интернет-хабарландыруды таңдап тексере аласыз.

Кім зейнетақы жарналарын төлеу бойынша агент бола алады?

Қазақстан Республикасының заңнамасында айқындалған тәртiппен мiндеттi зейнетақы жарналарын, мiндеттi кәсіптік зейнетақы жарналарын есептейтiн, ұстап қалатын (есебіне жазатын) және БЖЗҚ-ға аударатын жеке немесе заңды тұлға, сонымен қатар қызметiн Қазақстан Республикасында шетелдiк заңды тұлғалардың тұрақты мекемесi, филиалдары, өкілдіктері арқылы жүзеге асыратын шетелдiк заңды тұлға агент бола алады. Басқа сөзбен айтқанда, агент – сіздің жұмыс берушіңіз.

Агенттің міндеттері қандай және оларды бұзғандағы жауапкершілігі қандай?

Қазақстан Республикасының «Қазақстан Республикасында зейнетақымен қамсыздандыру туралы» заңының (бұдан әрі - Заң) 39-бабының 10-тармағына сай агент БЖЗҚ-ға міндетті зейнетақы жарналарын және міндетті кәсіптік зейнетақы жарналарын уақытылы есептеуге, ұстап қалуға (есепке жазуға) және төлеуге міндетті.
Заңның бұл нормалары бұзылса, нақты төленген және қызметкер кіріс алған жағдайда, агент уақытылы ұстап қалмаған (есебіне жазбаған) және (немесе) аудармаған міндетті зейнетақы жарналарының, міндетті кәсіптік зейнетақы жарналарының сомасын мемлекеттік кіріс органдары өндіріп алады немесе агенттер мерзімі өткен әрбір күнге (Мемлекеттік корпорацияға төлейтін күн қосылады) уәкілетті орган белгілеген қайта қаржыландырудың ресми мөлшерлемесінің 2,5 еселенген мөлшерінде есептелген өсімпұлмен бірге міндетті зейнетақы жарналары салымшыларының пайдасына, міндетті кәсіптік зейнетақы жарналары төленетін қызметкерлердің пайдасына аударуы тиіс (Заңның 28-бабының 1-тармағы).
Сонымен қатар, Заңның 29-бабының ережелеріне сәйкес агенттер Қазақстан Республикасының заңнамасында белгіленген тәртiпке сәйкес әрбiр қызметкер бойынша есептелген, ұсталған (есебіне жазылған) және аударылған мiндеттi зейнетақы жарналарын, міндетті кәсіптік зейнетақы жарналарын бастапқы есепке алуды жүргiзуге мiндеттi және мiндеттi зейнетақы жарналарының салымшылары мен мiндеттi кәсiптiк зейнетақы жарналары төленетін қызметкерлерге есептелген, ұсталған (есебiне жазылған) және аударылған мiндеттi зейнетақы жарналары, мiндеттi кәсiптiк зейнетақы жарналары туралы мәлiметтi есептiден кейiнгi айдың 15-iнен кешiктiрмей ай сайын ұсынуға мiндеттi.

Зейнетақы жинақтары жоқ не жеткіліксіз адамдар не істеуі керек?

 БЖЗҚ-да зейнетақы жинақтары жоқ не зейнетақы жарналары тұрақсыз аударылатын тұлғаларға, сондай-ақ жұмысқа орналасқысы не қосымша жұмыс істегісі келетін адамдарға Қазақстан Республикасының Денсаулық сақтау және әлеуметтік даму министрлігінің «Тұлғаларға жұмыспен қамтуға жәрдемдесудің белсенді нысандарына қатысуға жолдамалар беру» мемлекеттік қызметінің стандартын әзірлегенін хабарлаймыз, қызметті Астана және Алматы қалаларының, облыстық маңызы бар аудандардың және қалалардың жергілікті атқарушы органдары, оның ішінде облыстардың Жұмыспен қамтуды үйлестіру және әлеуметтік бағдарламалар басқармалары мен Астана және Алматы қалаларының Жұмыспен қамту және әлеуметтік бағдарламалар басқармалары тегін көрсетеді.

  Бұл қызметті пайдалану үшін не істеу керек?

Мемлекеттік қызметті пайдалану үшін жергілікті атқарушы органдарға (мекенжайларын және байланыс телефондарын қоса беріп отырмыз) не www.egov.kz «электрондық үкімет» веб-порталына өтініш білдіру қажет.
Аталған мемлекеттік қызметті көрсетудің түпкі мақсаты – өтініш білдірген тұлғалардың жұмысқа орналасуы.
Бұл ақпарат сізге пайдалы болады және БЖЗҚ-дағы зейнетақы жинақтарыңыздың өсуіне, оның ішінде жұмысқа орналасу арқылы өсуіне, осыған орай сіздің БЖЗҚ-дан алатын болашақ зейнетақыңыздың мөлшерінің ұлғаюына көмегі тиеді деп үміттенеміз.

БЖЗҚ байланыс орталығы 14-18 (Қазақстан аумағында қоңырау шалу
тегінwww.enpf.kz

kn БЖЗҚ Қазақстанның барлық өңіріндегі салымшыларға қызмет көрсетеді *.doc 35 KB
kn БЖЗҚ-ның әрбір 4-шы салымшысы электрондық хабарлау тәсілін таңдады *.doc 34 KB
kn Шетелге тұрақты тұруға кетуге байланысты БЖЗҚдан зейнетақы төлемдерін алу *.doc 85 KB
kn Зейнетақы жинақтарының сақталуына мемлекет тарапынан кепілдік берілген *.doc 54 KB
kn 2017 жылғы 1 мамырдағы БЖЗҚ негізгі көрсеткіштеріне қысқаша шолу *.doc 72 KB
kn «БЖЗҚ» АҚ басшылығы жауап береді... *.doc 52 KB
kn «БЖЗҚ» АҚ-ның бөлімшесі қаламыздың сол жақ жағалауында орналасқан. *.doc 339 KB
kn «БЖЗҚ» АҚ-ның 2016 жылғы және 2017 жылдың 1 ширегіндегі қызметінің қорытындылары *.doc 78 KB
kn Жинақтарымыздың сақталуы және табысы *.doc 47 KB
kn 2017 жылғы 1 наурыздағы БЖЗҚ негізгі көрсеткіштеріне қысқаша шолу *.doc 64 KB
kn Туралы 5 сауал *.doc 42 KB
kn Бірыңғай жинақтаушы зейнетақы қорында ашық есік күні өтті *.doc 74 KB
kn БЖЗҚ туралы 5 сауал *.doc 42 KB
kn БЖЗҚ өз есігін ашады *.doc 99 KB
kn Зейнетақы капиталын сақтау және көбейту *.doc 38 KB
kn 2017 жылғы 1 ақпандағы БЖЗҚ негізгі көрсеткіштеріне қысқаша шолу *.doc 90 KB
kn Зейнет жасына келіп қалған адамдар мен зейнетке шығып қойған зейнеткерлерді зейнетақы есебіндегі жыл сайынғы өзгерістер толғандыратыны сөзсіз. Сіз үшін бұл қиын ба? Біз сізге осы мәселенің шешімін табуға көмектесеміз. Сол үшін БЖЗҚ-дан зейнетақы төлемдерін ресімдеу мен алу тәртібіне қатысты ең өзекті сауалдарға берілетін жауаптарды Сіздің назарыңызға ұсынамыз. *.doc 71 KB
kn 2017 жылғы 1 қаңтардағы БЖЗҚ негізгі көрсеткіштеріне қысқаша шолу *.doc 70 KB
kn   2017 жылы БЖЗҚ-дан міндетті зейнетақы жарналары және міндетті кәсіптік зейнетақы жарналары есебінен зейнетақы төлемдерін алу тәртібі мен мөлшері туралы *.doc 72 KB
kn   2017 жылғы 1 қаңтардағы зейнетақы жинақтарының жай-күйі туралы хабарлау *.doc 56 KB
kn   БЖЗҚ туралы 5 сауал 25.01.2017 *.doc 56 KB
kn   2016 жылғы 1 желтоқсандағы жағдай бойынша «БЖЗҚ» АҚ ағымдағы көрсеткіштері *.doc 66 KB
kn   БЖЗҚ туралы 5 сауал. Мобильдік кеңсе және ұялы қосымша туралы *.doc 43 KB
   БЖЗҚ туралы 5 сауал *.doc 69 KB
Парақтар өзгертілді: 19-06-2017