Ағымдағы жылдың 20 қазаны күні сағат 11.00 – де Астана қаласында «Қазақ елі» архитектуралық-мүсіндік кешенінің ашылу салтанаты болды. «Қазақ елі» монументінің биіктігі – 91 метр, ал кешеннің жалпы көлемі – 5,2 гектар жерді алып жатыр. Кешендегі композициялық бейнелерден ұлттық идеяның төрт негізгі бағытын байқауға болады.

• Орталық барельефте бейнеленген Қазақстанның Тұңғыш Президенті арқылы Тәуелсіздік ұғымын
• «Қаһармандық» барельефінен сақ дәуірінен басталып хронологиялық желімен өрбитін Қазақстан жауынгерлерінің айбынды бейнелері арқылы Отан қорғау әр адамның борышы екендігін
• «Жасампаздық» барельефі арқылы ұрпақты еңбексүйгіштікке тәрбиелеу, сол арқылы жетістіктерге жету
• «Болашақ» барельефі арқылы болашақ ұғымы ұлтты дамытудың басты идеясы екенін көрсетеді.